fbpx

Измислена злоупотреба на државни пари

-

[Рецензија: ПОЗДРАВ ОД ЌЕРКАТА НА ПРЕМИЕРОТ: Додека нашите деца пpeживувaaт на лeкoви поради загадувањето, ќерката на премиерот ужива на 3.249 метри надморска височина!]

Написот не избира средства и начини како да го нападне премиерот Зоран Заев. За тоа дури користи и членови на неговото семејство. Заради одредена пропагандистичка цел, написот измешал загадување на воздухот, болни деца, државни пари, со премиерот Зоран Заев и неговата ќерка.

Нема никаква поврзаност помеѓу големото загадување на воздухот, кое е факт, и одморот на премиерот со семејството во Германија. Се прави паралела само за да се зајакне негативното чувство на читателот кога го чита текстот, а во реалноста тоа се две сосема одвоени теми. Уште повеќе, за да се зајакне негативното чувство кај читателот, во написот на крајно тенденциозен и манипулативен начин е искористена фотографија од профилот на ќерката на премиерот Зоран Заев на социјалната мрежа „Инстаграм“.

Линк до оригиналниот напис: ПОЗДРАВ ОД ЌЕРКАТА НА ПРЕМИЕРОТ: Додека нашите деца пpeживувaaт на лeкoви поради загадувањето, ќерката на премиерот ужива на 3.249 метри надморска височина!

Датум и време на објавување: 20.1.2019

Датум на рецензирање: 24.1.2019

Рецензент: Симона Атанасова

Со текстот се дезинформира јавноста дека ќерката на Заев отишла на зимување на државна сметка. Ова обвинување е паушално нафрлено. Нема никаков доказ, кој би можел да потврди дека е направена злоупотреба на пари од државниот буџет, што е казниво според Кривичниот законик. Медиумот, едноставно, си донел заклучок дека тоа е така без да наведе како стигнал до тој заклучок. Ниту, пак, има каква било потврда која би му дала легитимитет на таквиот заклучок.

Написот ѝ пласира на јавноста ваква дезинформација, иако претходно од владината прес-служба го најавија зимскиот одмор на Заев со семејството, за кој потенцираа дека ќе се реализира во приватен режим.

Претседателот на Владата е во приватна посета на Германија и користи слободни денови. Сите трошоци за авионски билети, хотелско сместување и сè поврзано со престојот се целосно во приватна режија покриени од страна на премиерот Заев. Со премиерот, во согласност, со законите по службена должност е присутно и обезбедување – гласи потврдата што ја добил „Фактор“ од прес-службата на Владата.

Се разбира, од досегашното долгогодишно искуство со злоупотреба на буџетски средства од државни функционери, кое Македонија го искусила, новинарите мора секогаш да бидат будното око на јавноста и да истражуваат дали некој функционер користи државни пари за приватни цели. Но, ако се открие ваков случај, треба да се изнесат и аргументи, кои би го поткрепиле тврдењето. Во спротивно, станува збор за лага и клевета само за да се оцрни угледот на некоја личност и таа на јавноста да ѝ се претстави во лошо светло.

Вакви паушални обвинувања и шпекулации без докази, со кои се прекршува Кодексот на новинарите и тоа уште во првиот член, кој вели дека „новинарот треба да објавува точни, проверени информации“, не само што му штетат на медиумот туку го нарушуваат угледот на новинарството како професија.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Петровска: Членството во НАТО отвора можност за развој на науката и технологијата

„Членството во НАТО на сите членови на академската заедница- професори, истражувачи и студенти им отвора нова димензија на поддршка, на можност за соработка со колегите од сојузничките и партнерски...