fbpx

Иванов од ЕУ-амбасадорите очекува да помогнат во националното помирување

-

Претседателот Ѓорге Иванов денеска се сретна со амбасадорите на земјите членки на Европската Унија во Република Македонија, со кои разговарал за членството на Македонија во ЕУ и за бегалската криза.

Од кабинетот на претседателот соопштуваат дека Иванов изразил очекување дека веднаш по предвремените парламентарни избори, ЕУ и земјите членки на конкретен начин ќе помогнат европската агенда и реализацијата на неопходните реформски процеси да станат приоритет и ќе помогнат во националното помирување, кое тој го смета за неопходно.

Кабинетот на Иванов информира дека европските амбасадори ги поздравиле повиците на претседателот Иванов за национално помирување и се согласиле дека помирувањето е најургентниот од сите процеси во Македонија.

„На средбата, претседателот Иванов побара промена на досегашниот пристап на Европската Унија кон интеграцијата на Македонија, кој се покажа како непродуктивен. Досегашниот пристап, оцени македонскиот претседател, не помогна да се изгради повисока политичка и култура на компромиси и политички дијалог, како и почитување на институциите. Само со деблокада на македонските евроинтеграции, според претседателот Иванов, земјата ќе излезе од маѓепсаниот круг на политички кризи и на недоверба“, се вели во соопштението од кабинетот на Иванов.

На средбата биле разменети мислења и за заканата од илегална миграција и за заканата од насилен екстремизам. Претседателот Иванов оценил дека земјата има проактивен и превентивен пристап во менаџирањето на мигрантската криза и посочил дека и покрај внатрешната политичка криза, Македонија покажала дека има стабилни институции, кои успешно се справија со мигрантската криза и со безбедносните ризици.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...