Претседателот Ѓорге Иванов денеска во „Вила Билјана“ во Охрид ќе ги прими акредитивните писма на новоименуваните амбасадори на Обединетото Кралство на Велика Британија и Северна Ирска и на Кралството Саудиска Арабија во Република Македонија.
Иванов, како што соопшти неговиот кабинет, акредитивните писма ќе ги прими од Рејчел Галовеј, новоименуван амбасадор на Обединетото Кралство на Велика Британија и Северна Ирска во Република Македонија и од Абдулмомен бин Мохамед Шараф, новоименуван амбасадор на Кралството Саудиска Арабија во Република Македонија, со седиште во Тирана.
Доаѓањето на новата британска амбасадорка Галовеј го најави досегашниот амбасадор Чарлс Гарет кој на неговиот „Твитер“ профил и посака добредојде.
„Добредојде Рејчел Галовеј во топлите (и понекогаш турбулентни) води на Твитер во Македонија. Фасцинантни читања и подготвеност за дебата ве чека“, напиша Гарет.
Welcome, @RGallowayUK, to the warm (and occasionally turbulent) waters of Twitter in #Macedonia! Fascinating reads and bracing debate await you.
— Charles Garrett (@BritAmbCGarrett) July 25, 2018
