fbpx

Иванов ги повика египетските бизнисмени да инвестираат во Македонија

-

Претседателот Ѓорге Иванов на денешниот бизнис – форум се одржа во Каиро ги повика египетските стопанственици да ја посетат Македонија, да се запознаат со позитивното искуство на веќе присутните компании и да се уверат дека Македонија нуди големи можности за ширење на нивниот бизнис.

Иванов рече дека трговската размена меѓу двете земји е на исклучително ниско ниво. Иванов рече дека Македонија и Египет имаат неисцрпни можности во индустријата и во историскиот, археолошкиот и културниот туризам.

– Знам дека во Египет има само осум македонски компании кои имаат инвестиции во висина од 700.000 американски долари. Додека зборувам, во една од технолошко -индустриските развојни зони во Македонија веќе се гради фабриката на египетската компанија „Беверли Хилс Холдинг” од Шурук. Но, тоа е далеку од можностите што постојат. Трговската размена меѓу двете земји е на исклучително ниско ниво. Денес сум тука со вас за да ве охрабрам да го следите примерот и да инвестирате во Македонија, и тоа поради три причини. Спроведовме сеопфатни реформи за подобрување на бизнис- климата. Воведовме поволен пакет на рамни даноци, кои се меѓу најниските во Европа. Со низа подобности им излегуваме во пресрет на инвеститорите во технолошко – индустриските развојни зони. Ги отстранивме повеќето правни и административни бариери за компаниите. Постојано инвестираме во инфраструктурата. Се градат автопати и започна изградбата на железничката пруга кон Бугарија. Благодарение на договорите за слободна трговија со ЕУ, ЕФТА и ЦЕФТА, како и билатералните договори со Турција и Украина, инвеститорите преку Македонија имаат непречен пристап до пазар од 660 милиони потрошувачи.

Претседателот Иванов нагласи и дека неопходно е да се отвори директна авионска линија Скопје – Каиро.

На форумот присуствуваа околу стотина претставници од египетската бизнис заедница и министри.

Министерот за странски инвестиции Бил Павлески вчера потпиша протокол за соработка во земјоделството со Министерството на Египет.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...