This page was exported from Meta.mk [ http://meta.mk ]
Export date: Sat Sep 22 9:41:20 2018 / +0000 GMT

Интересот на граѓаните за да се приклучат на парно-греење се зголемил за 50 отсто




Пред стартот на грејната сезона, се поголем е интересот кај правните лица и домаќинствата во Скопје за бесплатно приклучување кон системот за централно греење, информираат од „БЕГ Снабдување“.

„Од почетокот на акцијата, во август годинава, до денеска пристигнати се вкупно 270 барања за приклучок. Споредено со истиот период лани, интересот за приклучување кон системот за централно греење е зголемен за над 50 отсто. Трендот за повторно приклучување се должи на високиот комфор што го добиваат потрошувачите, за најдобра цена, согласно сите еколошки стандарди. Како резултат на континуираната модернизација на системот за централно греење, квалитетот на услугата е значително подобрена. Повеќегодишното подобрување на квалитетот на услугата и намалувањето на цената, која во периодот од 2013 до 2018 година вкупно се намали од 33 до 66 проценти, во зависност од категоријата на потрошувачи, очекувано го зголеми интересот кај потрошувачите за приклучување“, се вели во соопштението на компанијата.

Акцијата за бесплатен приклучок трае до 15 септември 2018 година. Од 16 до 30 септември корисниците ќе плаќаат 50 отсто од предвидените трошоци за оваа услуга, а од 1 октомври приклучувањето ќе се наплаќа во целост, согласно важечкиот ценовник.

Post date: 2018-09-13 12:38:58
Post date GMT: 2018-09-13 10:38:58
Post modified date: 2018-09-13 12:40:56
Post modified date GMT: 2018-09-13 10:40:56

Powered by [ Universal Post Manager ] plugin. MS Word saving format developed by gVectors Team www.gVectors.com