fbpx

Инструктори од САД ги обучувале македонските полицајци за управување со чамци

-

Инструктори на крајбрежната стража на Соединетите Американски Држави (САД) минатиот месец одржале обуки за граничните полицајци од регионалниот центар за гранични работи Југ и за службеници на царината за управување со чамци, соопшти Министерството за внатрешни работи (МВР).

Курсот се одржал во водите на Охридско Езеро, а бил реализиран со поддршка на Програмата за контрола на извозот и граничната безбедност при Амбасадата на САД во Скопје.

Покрај македонските, на курсот учестувале и полициски службеници од Косово и од Албанија.

„Целта на овој курс беше да ги запознае службениците со постапките за безбедно и ефикасно управување со чамци помали од 15 метри во должина. Обуката вклучува теми за одговорноста на персоналот за чамците, управување со ризици, вештини во пристаниште, превентивно оддржување, вештини за управување со чамци, спасување на пероналот, контрола на жртви, како и пловење и процеси за процена на ризик“, соопштуваат од МВР.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...