fbpx

Инспекции во општините со кои раководат кадри на ДУИ

-

Инспекциски контроли во сите канцеларии на Општина Тетово извршил утринава трудовиот инспекторат при Министерството за труд и социјална политика. Оваа информација за „Мета“ ја потврдија од Општина Тетово. Според наши извори, се контролирало дали се почитува законот за забрана за пушење.

Според записникот на трудовиот инспекторат, во ниту една од општинските канцеларии не е затекнато лице кое пуши. Но, во некои канцеларии немало знаци за забрана за пушење. Инспекторите им наложиле на градските власти во рок од седум дена да го отстранат тој недостаток и да постават вакви знаци во сите канцеларии.

Портпаролот на Општина Тетово, Арди Исмаили, вели дека контролата не била најавена. Иако инспекторите рекле дека контролите се редовни, во нивните записници напишале дека извршиле вонредни контролни активности.

Вакви контролни активности се најавени во Општина Чаир, а финансиска полиција неодамна ја посети и Општина Гостивар.

Со општините Тетово, Гостивар и Чаир раководат кадри на ДУИ, кои како потпретседатели на оваа партија, неофицијално не се согласуваа да продолжи коалицијата со ВМРО-ДПМНЕ.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...