fbpx

Иницијативата до Уставниот суд ја поднел охридскиот адвокат Китески

-

Иницијативата за амнестирање на лица инволвирани во изборни нерегуларности формално ја покренал младиот адвокат од Охрид, Ристо Китески, кој за порталот „Охрид њуз“ вели дека стои зад барањето поднесено пред Уставниот суд. Тој вели дека иницијативата е лично негова и дека не гледа ништо спорно во неа.

– Иницијативата за измени во Законот за помилување до Уставниот суд е моја и стојам зад неа. Секој адвокат, впрочем како и секој граѓанин на Република Македонија, може да поднесе иницијатива пред Уставниот суд, а судот треба да процени дали ќе ја прифати или не – прецизира адвокатот Ристо Китески.

Како што наведува „Охрид њуз“, Китески работи во канцеларија на адвокатот Љупчо Наумовски, кој е бранител на осомничени странки во случајот „Титаник“.

Китески, пак, тврди дека не е негов соработник, туку самостоен адвокат, а канцеларијата ја делеле со Наумовски од финансиски причини, колку да ги намалат трошоците за тековно работење.

Уставниот суд вчера ја прифати да ја разгледа иницијативата за промена на Законот за помилување, со која повторно му се дава право на претседателот на државата да помилува лица осудени за изборни нерегуларности.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Контраспин: Силјановска не ги седна пензионерите во ложата на „Мапет шоу“

Контекстот во кој претседателската кандидатка на ВМРО-ДПМНЕ ја кажа репликата за „Мапет Шоу“, беше сосема поинаков од оној што го претстави СДСМ. Самата реплика воопшто не се однесуваше на...