This page was exported from Meta.mk [ http://meta.mk ]
Export date: Sun Sep 24 19:23:46 2017 / +0000 GMT

Илјадници луѓе евакуирани во Москва поради дојави за подметнати бомби




Повеќе од 20.000 лица денеска биле евакуирани од трговските центри, железничките станици, театри и од универзитети во Москва поради речиси симултани дојави дека на повеќе места во градот е поставен експлозив, јавуваат светските агенции.

Иако се претпоставува дека станува збор за лажни дојави, полициски специјалци со кучиња трагачи ги пребаруваат местата. Според информациите на агенциите, досега биле пребарани пет локации, но не бил најден експлозив.

Слични дојави за поставен експлозив изминатите денови имаше и во неколку други градови во Русија.

https://twitter.com/RT_com/status/907981540700848128

Првата дојава и евакуација се случи на 10 септември, во канцеларијата на градоначалникот на Омск, кога непознато лице се јавило на телефон и пријавило дека во зградата има бомба.

Зградата беше евакуирана и пребарана, но не беше најден никаков експлозив.

Вчера повеќе од 5.700 ученици и наставен кадар во седум училишта во уралскиот град Перм во Русија беа евакуирани поради дојава и закана со подметната бомба.
Post date: 2017-09-13 18:26:20
Post date GMT: 2017-09-13 16:26:20
Post modified date: 2017-09-13 20:24:06
Post modified date GMT: 2017-09-13 18:24:06
Powered by [ Universal Post Manager ] plugin. HTML saving format developed by gVectors Team www.gVectors.com