Двајца сиријски државјани ги загубиле животите на железничката пруга Гевгелија – Табановце, кога во нив удрил товарен воз.
Според полициските информации, несреќата се случила утрово, околу 1 часот, на железничкиот мост на реката Тополка, во Велес. Сиријските државјани, кои биле на возраст од 22, односно 23 години, починале на самото место.
Јавен обвинител и екипа на велешката полиција извршиле увид на местото.
Во изминативе две недели, ова е четврти случај во кој државјани на Сирија и на Авганистан, кои илегално транзитираат низ земјава, гинат на железничките пруги.