Десетици лица беа убиени во напад на Исламска држава во градот Деир ел Зор, во делот кој е под контрола на сириската влада. Ова е најголем напад на ИД во последните неколку месеци.
Ова го соопшти Сириската опсерваторија за човекови права со седиште во Лондон.
Опсерваторијата наведе дека при нападот имало најмалку шест експлозии, а дека сириската влада возвратила преку напади со воени авиони.
Исламска држава го контролира поголемиот дел од градот Деир ел Зор, кој се наоѓа на границата со Ирак.