fbpx

Иако Кинезите ги избришаа, „Гугл“ уште ги чува страниците со сумите за автопатите

-

Старите страници на кинеската компанија „Синохидро“, која ги гради автопатите Кичево – Охрид и Миладиновци – Свети Николе – Штип, сè уште можат да се видат во кеш-меморијата на пребарувачот „Гугл“, иако Кинезите пред извесно време ги тргнале оригиналните  страници  со сумите.

На страницата на „Синохидро“ пишуваше дека изградбата на автопатот Кичево – Охрид чинела 56 милиони евра, а на потпишувањето на договорот од Владата рекоа дека автопатот ќе се гради за 373 милиони евра. За автопатот Миладиновци – Свети Николе – Штип, на страницата на кинеската компанија пишува дека чини 30 милиони долари, а во Македонија се знае дека за изградба на тој автопат се платени 206 милиони евра.

Откако медиумите објавија дека на страницата на компанијата има различни суми за изградбата на автопатите од оние што нашата Влада ги презентираше, страниците повеќе не можат да се отворат.

Ова подолу се оргиналните страници со износите зачувани во кеш-меморијата на „Гугл“:

Кинеска компанијаа
Оригиналната страница за автопатот Миладиновци – Св. Николе – Штип

кинеска компанија
Оригиналната страница за проектот на новиот автопат Кичево – Охрид

Дополнително, кинеското антикорупциско тело за контрола на дражавните компании, во мај 2014 година, соопшти дека Баодонг Хуанг, поранешниот потпретседател на групацијата „Пауер констракшн корпорејшн“, ја злоупотрбил својата позиција, односно дека повеќепати зел поткуп, објави „Нова ТВ“.

Баодонг Хуанг до лани бил потпретседател на бизнис-корпорацијата „Пауер констракшн корпорејшн“, мајка-компанија на фирмата „Синохидро“ – избрана од македонската Влада за изградба на двата автопати.

Инаку, овде може да најдете упатство како се наоѓаат стари верзии или избришани страници.

Kina1 Kina2

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ДИК нема да може сама да се справи со евентуални кибер напади и дезинформации

Кибер напади, дезинформации, логистички пречки - овие ризици се закана за кредибилитетот на изборните процеси, истакна денеска првиот човек на Државната изборна комисија (ДИК), Александар Даштевски. На денешната панел...