This page was exported from Meta.mk [ http://meta.mk ]
Export date: Fri Jul 20 7:04:46 2018 / +0000 GMT

И Битола ја откажа новогодишната прослава




Општина Битола донесе одлука да ја откаже новогодишната прослава на плоштадот Магнолија и парите да ги пренасочи за хуманитарни цели.

Како што извести на денешната прес-конференција градоначалникот Владимир Талески, дваесетина дена размислувале како да постапат, по што денеска одлучиле прослава да има само за децата за кои ќе бидат одиграни четири детски театарски претстави, како и музичка забава.

- Парите наменети за новогодишната ноќ, најголем дел, ќе бидат насочени за Заводот за рехабилитација за деца со оштетен слух, како и за социјално погодени семејства – рече Талески.

Иако не прецизираше, тој напомена дека сумата што оваа година требаше да се потроши за прославата од општинскиот буџет изнесувала околу 1 милион денари.

На социјалните мрежи деновиве се појавија многу твитови за откажувањето на новогодишните прослави организирани од општините, меѓу кои и овој за Општина Битола.

https://twitter.com/cile_ciki/status/811589285170266113

Талески е еден од осомничените во случајот „Транспортер“, што го отвори СЈО и кој се однесува на злоупотреба на средства од општинскиот буџет за превоз на ученици.
Post date: 2016-12-22 14:23:14
Post date GMT: 2016-12-22 13:23:14
Post modified date: 2016-12-22 14:23:14
Post modified date GMT: 2016-12-22 13:23:14
Powered by [ Universal Post Manager ] plugin. HTML saving format developed by gVectors Team www.gVectors.com