Министерот за туризам на Хрватска, Дарко Лоренцин, изјави дека државата оваа година може да очекува рекордни приходи од туризмот од приближно осум милијарди евра.
На јадранското крајбрежје и во Загреб, од јануари до јули оваа година, престојувале вкупно 7,6 милиони туристи, кои генерирале вкупно 40 милиони ноќевања.
Според официјалните податоци на туристичките заедници, на Јадранот и во Загреб само во јули одмарале 3,4 милиони туристи, што е за 11 проценти повеќе отколку во истиот месец минатата година.