Во Тунис во септември, привремено се затворени најмалку 70 хотели поради терористичките напади на две летувалишта годинава. Toa сериозно го загрози туристичкиот сектор, што државата ја чини 10 проценти од домашниот бруто-производ.
– Од почетокот на септември, 70 хотели мораа да се затворат, поради немање гости. Стапката на исполнетост на сместувачките капацитети во земјата не е повеќе од 20 проценти – изјави претседателот на Федерацијата на туниски хотели, Радуан Бен Салах.
Во туристичкиот сектор во Тунис, каде што минатата година шест милиони луѓе оствариле туристички посети, посредно или непосредно работат околу 400.000 луѓе.
Туризмот, кој е околу 10 проценти од националниот БДП, моментно поминува низ сериозна криза поради терористичкиот напад на џихадистите на Исламската држава на музејот Бардо во Тунис, во кој загинаа 22 лица, и на летувалиштето Сус кога настрадаа 38 лица.
