Почна судењето на холандскиот политичар Герт Вилдерс поради поттикнување омраза и дискриминација и тоа во негово отсуство.
Неговиот адвокат рече дека Вилдерс нема да се појави во судот затоа што смета дека станува збор за политички процес.
– Како политичар, имам право да зборувам за сè – порача Вилдерс.
Лидерот на холандската Слободарска партија го опиша судењето како фарса и обид да се замолчи во пресрет на претстојните избори во март 2017 година.
Тужбата ја поднесоа неколку Мароканци откако Вилдерс на собир во 2014 година побара да се намали бројот на Мароканците во земјата.
Пресудата се очекува во декември, а доколку биде прогласен за виновен, ќе мора да плати парична казна и да добие една година затворска казна.
Вилдерс повеќепати го критикуваше исламот и бараше забрана на Куранот и затворање на сите џамии во Холандија.
