fbpx

„Хјуман рајтс воч“ со осуда за полициската бруталност на протестите на 5 мај

-

Реномираната организација за човекови права, „Хјуман рајтс воч“ (ХРВ), денеска ги објави резултатите од истрагата за полициската бруталност на протестите на 5 мај во Македонија.

ХРВ интервјуирале седум лица уапсени на протестите, од кои еден новинар, кој бил приведен додека ја извршувал својата работна задача.

Од организацијата сметаат дека македонската полиција употребила прекумерна сила за време на протестите.

„Да се тепаат луѓе е неприфатлив начин за контрола на толпата, а тепањето новинар кој ги покрива протестите не само што е илегално туку претставува и неодбранлив напад врз слободата на печатот“, изјави Лидија Гал, истражувачка за Источна Европа во ХРВ.

Организацијата ги повикува македонските власти да поведат постапка по обвиненијата за употреба на прекумерна сила, а припадниците на безбедносните сили што го сториле тоа да одговараат.

Од „Хјуман рајтс воч“, исто така, сметаат дека казните што им се изречени на приведените се преголеми со оглед на делото и на просечната плата во Македонија.

Приведените добија казни од 600 до 1.200 евра за учество во толпа. Според ХРВ, казнетите ќе се жалат на суд.

Т.М.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Израел ја бомбардира Сирија, има над 40 жртви

Израел го бомбардираше регионот околу градот Алепо во Северна Сирија, пренесува Гардијан. Израелските сили таргетирале членови на либанската паравоена организација Хезболах. Има повеќе различни контрадикторни информации за бројот на убиени,...