fbpx

Хан утре ќе се сретне со Заев и ќе учествува на седница на Владата

-

Еврокомесарот за добрососедска политика и за проширување, Јоханес Хан, утре ќе присуствува на седница на Владата посветена на реформските приоритети, а потоа ќе има заедничка прес-конференција со премиерот Зоран Заев, соопшти владината прес-служба.

Хан пред почетокот на седницата ќе има тет-а-тет средба со Заев, а потоа и со владина делегација составена од вицепремиерката и министерка за одбрана, Радмила Шекеринска, вицепремиерот за евроинтеграции, Бујар Османи, и од министерот за надворешни работи, Никола Димитров.

Како што соопштија од владината служба, претставниците на медиумите ќе може да фотографираат и да снимат инсерти на почетокот на средбите и на седницата на владата, а другите детали од разговорите ќе бидат соопштени на заедничка прес-конференција.

Остатокот од агендата на еврокомесарот сè уште не е позната, односно сè уште нема детали кога и каде ќе се сретне со лидерите на политичките партии.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Израел ја бомбардира Сирија, има над 40 жртви

Израел го бомбардираше регионот околу градот Алепо во Северна Сирија, пренесува Гардијан. Израелските сили таргетирале членови на либанската паравоена организација Хезболах. Има повеќе различни контрадикторни информации за бројот на убиени,...