fbpx

Хан: Само влез во ЕУ е трајно решение за кревкиот Западен Балкан

-

Ситуацијата во земјите од Западен Балкан и понатаму е кревка и трајно решение е можно само во меѓународните рамки, односно во ЕУ, оцени еврокомесарот за проширување и добрососедска политика, Јоханес Хан, во интервју за виенскиот весник „Курир“.

– Ние не се фокусираме на датумите за членство. Зборуваме за пристапниот процес, а со која брзина напредуваат земјите зависи само од нив – вели Хан.

Тој вели дека мнозинството граѓани на земјите членки на ЕУ се воздржани за проширувањето на ЕУ и дека затоа е неопходно луѓето да се убедат дека новата членка не претставува товар или проблем, туку добивка.

Хан истакнува дека земјите кандидатки мора да ги исполнат условите за влез во ЕУ, односно правниот систем мора да функционира, треба да бидат многу поатрактивни за инвестиции и нивните економии да бидат стабилни и развиени.

– Поради тоа, предложивме заеднички пазар за регионот на Западен Балкан, со слободен протек на стока и на услуги, заеднички признавања на сертификати. Тоа би можело релативно лесно да се спроведе, без да се менуваат договори, и би претставувало прв чекор кон европскиот заеднички пазар. Би можело да се укинат до 80.000 формални пречки – вели Хан.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Сојузот на синдикати најави три протести, првиот ќе се одржи во вторник

Работниците и граѓаните повеќе немаат изговор да не учествуваат на протестите што ги организира Сојузот на синдикатите на Македонија (ССМ), рече првиот човек на Сојузот, Слободан Трендафилов, на прес-конференција...