Еврокомесарот за проширување и соседска политика, Јоханес Хан, преку својот „Твитер“ профил им честиташе на пратениците кои вечерва гласаа за потребата од уставни измени кои произлегуваат од Договорот од Преспа потпишан помеѓу Македонија и Грција.
„Добар ден за демократијата во Скопје! Им честитам на сите оние кои одлучија да одат по патеката на ЕУ. Очекувам дека слободниот избор на сите пратеници е целосно почитуван, особено на оние кои направија премин. Ни треба државништво, а не партиски игри“, напиша Хан.
A great day for #democracy in #Skopje 🇲🇰! I congratulate all those who decided to walk on along the #EU path. I expect that the free choice of all MPs is fully respected, especially of those who crossed the aisle tonight. We need statesmanship, not party-games.
— Johannes Hahn (@JHahnEU) October 19, 2018
И првиот човек на НАТО, Јенс Столтенберг, на „Твитер“ честиташе на постигнатото двотретинско мнозинство во Собранието.
„Го поздравувам гласањето на парламентот во Скопје за предложените уставни измени. Сега владините и политичките лидери треба да ги завршат националните процедури за спогодбата за името и да ја искористат оваа историска можност да ја доведат земјата во НАТО”, напиша Столтенберг.
I welcome the vote by parliament in #Skopje on the proposed constitutional changes. It's up to the government & political leaders to complete national procedures on the name agreement & seize this historic opportunity to bring the country into #NATO.
— Jens Stoltenberg (@jensstoltenberg) October 19, 2018
