Еврокомесарот Јоханес Хан денеска ја поздрави иницијативата на Владата за затоплување на добрососедските односи, како и иницијативата за поголема регионална соработка.
„Дојдов во Скопје за да го видам направениот прогрес и да ги поддржам понатамошните реформи што ќе ни овозможат да дадеме јасна препорака за почеток на преговори. Ѝ честитам на Владата за нејзината иницијатива за регионална соработка. Тоа е најдобар пример во регионот“, напиша Хан на „Твитер“.
I came to #Skopje to acknowledge the progress made and to support further reforms which will allow us to present a clear #recommendation to open negotiations. 1/2 pic.twitter.com/hfvJTAvbg6
— Johannes Hahn (@JHahnEU) November 20, 2017
I commend the government also for its initiatives for regional cooperation. This is a best practice example for the region 2/2
— Johannes Hahn (@JHahnEU) November 20, 2017
Тој за време на заедничката прес-конференција со премиерот Зоран Заев рече дека забележани се големи промени во земјата, кои се поттикнати од политичките промени и истакна дека е постигнат значителен развој, како и дека земјата е пример за регионална соработка.
– ЕУ се залага за европската перспектива на вашата земја и не се сомневам дека таквата перспектива може да се постигне. Сите земји во регионот имаат европска перспектива, а тоа создаде нова динамика – рече Хан.
