!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Гуру во Индија осуден на 10 години затвор, војската на готовност


       
Њу Делхи, 28 август, 2017 - 14:31 (META) 

Контроверзниот гуру Гурмит Рам Рахин Синг е осуден денеска во Индија на 10 години затвор поради силување на две свои следбенички.

Пред изрекување на пресудата, во Рохтак, град на северот од Индија, е воведен полициски час, а владините сили добиле дозвола да користат оружје во случај да дојде до насилство.

За време на протестите на илјадници негови следбеници најмалку 38 лица загинаа, а стотици се повредени.

Железничкиот и автобускиот сообраќај се суспендирани за да се спречи доаѓање и собирање на следбениците на гуруто. Околу затворот има засилени мерки на безбедност, а владините сили добиле дозвола да користат и оружје за разбивање на насилството.

Случајот со силувањето е откриен во 2002 година, кога до тогашниот индиски премиер Атал Бихари Вајпај стигнало анонимно писмо во кое гуруто се обвинува дека повеќе пати силувал неколку жени.