fbpx

Груевски во работна посета на Лондон

-

Лидерот на ВМРО-ДПМНЕ, Никола Груевски, денеска заедно со партиска делегација, во чиј состав се пратениците од ВМРО-ДПМНЕ Александар Николоски и Владимир Ѓорчев, како и членот на извршниот комитет на партијата, Никола Попоски, ја почна својата посета на Лондон, Велика Британија, во рамките на која ќе се остварат повеќе средби со политичари и со влијателни личности од јавниот и општествен живот, соопштија од партијата.

Груевски и партиската делегација оствариле средба со раководниот тим на една од највлијателните бриселски невладини организации, со седиште во Лондон, Велика Британија, со Чарли Грант, директор на Центарот за европски реформи, како и со извршниот директор на центарот, Иан Бонд.

На средбата се разговарало за повеќе прашања поврзани со актуелните случувања во Македонија и во регионот, при што, како што наведуваат од ВМРО-ДПМНЕ, Груевски ги афирмирал ставовите за стратешките интереси на Македонија поврзани со интеграциите во НАТО, ставањето крај на политичката криза, како и справувањето со мигрантската криза.

– По посетата на САД и на Германија, по наша иницијатива дојдовме во посета на Лондон да се сретнеме со повеќе луѓе од политичкиот живот, дипломати, креатори на јавното мислење, за да разговараме за Македонија, за предизвиците, проблемите и за стратешките ориентации и она што е значајно за нас да пренесеме прецизни информации околу случувањата и околу плановите понатаму. Следуваат избори и по изборите следува нова влада, така што ова е добра можност да се зборува за минатото, но уште повеќе за иднината на државата – рече Груевски по средбата.

Грант рече дека не гледа причина поради која Македонија не би влегла во Северноатлантската алијанса.

– Верувам дека Македонија ќе стане членка на НАТО што побргу, на НАТО му требаат повеќе земји внатре во организацијата, меѓу другото и за да се зајакне сигурноста  и безбедноста во меѓународни рамки. Не гледам причина Македонија да не стане членка на НАТО што побргу – рече Грант.

Тој се осврна и на справувањето со мигрантската криза, при што истакна дека Македонија одигра клучна улога со справувањето на овој глобален предизвик.

– Европската Унија и британската влада многу ја почитуваат улогата што Македонија ја имаше справувајќи се со бегалците на Балканот, а кои транзитираа и доаѓаа од Турција и од Грција и преку балканските држави кон Северна Европа. Македонија имаше конструктивна улога и сите го препознаа тоа – посочи Грант.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Распишан конкурс за наградата „23 Октомври“

Одборот за доделување на државната награда „23 Октомври“, распиша конкурс за доделување на државната наградата за 2024 година. „Со државната награда се оддава највисоко признание за долгогодишни остварувања во областа...