fbpx

Груевски: Не прифаќам закани, местенки и уцени

-

Ќе слушате разни шпекуации, но за сè што е кажано од наша страна, ќе има цвсти докази во текот на судската постапка, истакна на денешната прес-конференција премиерот Никола Груевски.

– Од септември до ноември 2014 година, имав четири средби со лидерот на опозицијата, Зоран Заев. Првата беше на негово барање, а сите останати беа поврзани со првата. Тој на првата средба ми кажа дека итно бара техничка влада и дека странска разузнавачка служба го снабдила со снимени телефонски разговори со највисоки државни функционери, како што се претседателот, министри, пратеници, новинари и многу други. Неколкупати го прашав дали е сигурен во тоа што го зборува, на што тој потврдно ми одговори. Ми раскажа и дел од телефонските разговори, кои, морам да признаам, дел се точни, дел се половично точни и дел се измислени. Фактот дека дел од разговорите се точни, укажува на сериозноста на ситуацијата. Не можев д разберам како лидерот на опозицијата, кој претендира да ја води државата, со гордост и со самоувереност говори дека соработувал со странска разузнавачка служба што е нелегално, протизваконски и противуставно – изјави Груевски.

Тој рече дека денеска до јавното обвинителство се поднесени четири кривични пријави, меѓу кои и за Заев, за шпионажа и за насилство кон највисоки државни органи.

– Со ова се прави штета на државата. Можеби многу луѓе нема да можат да разберат зошто го направивме ова затоа што Заев е најпосакуваниот политички противник, но имаа нешто пред што не може да се замолчи и да се премолчи, а тоа е нанесување штета на државата. Почитувани граѓани, запрашајте се што би направил секој од вас да е на мое место. На сите им порачувам дека закани, уцени и местенки не прифаќам и не проаѓаат и на сите инволвирани јавно им порачувам дека ние не сме Македончиња, туку Македонци. Сакам да знаете дека во текот на судската постапка, која ќе биде отворена за домашната и за странската јавност, ќе одговорам на сите порашања. Исто така, сакам да знаете дека од денеска ќе слушате разни шпекуации, но за сè што е кажано од наша страна, ќе има цвсти докази – рече Груевски.

Претходно во полициската акција „Пуч“, осомничен е лидерот на СДСМ, Зоран Заев, кој заедно со Зоран Верушевскии со уште две лица, се товари за обид за загрозување на уставниот поредок и за недемократско преземање на власта, односно суспендирање на волјата на граѓаните.

Како што информират од МВР, во досегашната истрага било утврдено дека осомничените лица, преку употреба на незаконски средства на следење и на шпионирање и со закани кон високи државни функционери, сакале да извршат преврат и да изнудат разни услуги.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ДИК нема да може сама да се справи со евентуални кибер напади и дезинформации

Кибер напади, дезинформации, логистички пречки - овие ризици се закана за кредибилитетот на изборните процеси, истакна денеска првиот човек на Државната изборна комисија (ДИК), Александар Даштевски. На денешната панел...