Лидерот на ВМРО-ДПМНЕ, Никола Груевски, на митингот во Ресен рече дека власта работи незаконски, но и демонстрира сила.
– Кандидатот за градоначалник во Шуто Оризари беше претепан до бессознание, друг наш кандидат беше погоден со куршум, на кандидатот за градоначалник на Кавадарци му вперија оружје и го третираа како терорист за потоа само да му се извинат – рече Груевски.
Тој додаде дека власта незаконски поставува и разрешува кадри, врши притисоци врз медиумите и судството поради што судиите се оневозможени да судат независно.
Лидерот на ВМРО-ДПМНЕ рече дека „помрачување“ се случува и во економијата, бидејќи со запирање на проектите на претходната власт, запрена е и економијата.
ВМРО-ДПМНЕ и Коалицијата за подобра Македонија вечерва ќе одржат митинг и во Битола.
