fbpx

Груби: Јавното обвинителство донесе правична одлука за „Монструм“

-

Пратеникот на ДУИ во Собранието, Артан Груби, денеска од името на партијата ја поздрави одлуката на Јавното обвинителство, кое вчера побара од Врховниот суд да ја укине пресудата на Кривичниот и на Апелацискиот суд за случајот „Монструм“ и да го врати предметот на повторно судење.

Тој, на прес-конференција во седиштето на ДУИ во Скопје, истакна дека со разрешувањето на јавниот обвинител Марко Зврлевски „владеењето на правото ја добива својата форма во Република Македонија“.

– ДУИ ја поздравува вчерашната одлука на Јавното обвинителство за укинување на првостепената и на второстепената одлука на Основниот и на Апелацискиот суд во случајот „Монструм“ и ова е единствената правична одлука што можеше да ја донесе Јавното обвинителство – рече Груби, пренесува „А1он“.

Тој рече дека ДУИ го охрабрува Врховниот суд да донесе одлуки за повторно судење на овој, како што го нарече, контекстиран судски спор.

– При таа одлука се надеваме дека истовремено Врховниот суд ќе донесе одлука за целосно ослободување на луѓето кои се во затвор за овој случај – рече Груби.

Пратеникот додаде дека процесот на преиспитување на некои одлуки треба да продолжи и со случаите „Диво насеље“ и „Сопот“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Петровска го доби Ковачки на суд и се откажа од 10.000 евра што требаше тој да ѝ ги плати за клевета

Основниот граѓански суд - Скопје утврдил граѓанска одговорност за клевета врз министерката Славјанка Петровска од Драган Ковачки од ВМРО-ДПМНЕ. Петровска на својот профил на Фејсбук ја објави пресудата. „Како што...