Претседателот на собраниската Комисија за европски прашања, Артан Груби, како што најави, комисиската седница на која во второ читање ќе се расправа за предлог-законот за употреба на јазиците, ја закажа за 22 ноември – Денот на албанската азбука, потврдија од Комисијата за „Мета“.
Груби го најави тоа вчера, на прес-конференција во Собранието на Република Македонија, откако на продолжението на 15. собраниска седница, пратениците, со 66 гласа „за“ и 41 „против“, му му дадоа виза на предлог-законот за употреба на јазиците на второ читање во надлежните комисии.
Пратеничките групи на ВМРО-ДПМНЕ и таа на СДСМ рекоа дека ќе поднесат амандмани за законот, кои ќе се разгледуваат во матичната комисија.
Груби, пак, рече дека пратеничката група на ДУИ нема да поднесе амандмански предлози, оти нивните забелешки веќе се доставени до Венециската комисија.
