fbpx

Грција очекува да се намали бројот на бегалци на островите од април догодина

-

Во април следната година ќе почне постепеното намалување на бројот на бегалците од островите, најави грчкиот министер за миграција, Јанис Музалас. Во интервју за грчкиот весник „Авги“, Музалас го посочува преголемиот број на бегалци и на мигранти на островите како еден од најголемите проблеми и предизвици за грчката влада од бегалската криза, заедно со потребата за добра интеграција на бегалците во грчкото општество.

Музалас се надева дека напролет ќе почне да се спроведува и договорот со Европската Унија за месечно преместување на 200 до 2.500 луѓе од грчките острови во европските држави, што ќе помогне да се подобри ситуацијата на островите, како за луѓето во бегалските кампови, така и за грчката влада, која во моментов се справува со повеќе од 60.000 бегалци низ целата територија на земјата. Сепак, островите остануваат една од најболните точки од бегалската криза за Грција.

„На островите имаме многу тешка ситуација поради преголемиот број луѓе и квалитативната промена на оние кои доаѓаат, бидејќи мнозинството од нив се економски мигранти кои имаат цел да продолжат кон други европски држави“, вели Музалас.

Тој додава дека последните месеци оние кои доаѓаат на островите го користат трикот да бараат азил за да не се вратат во Турција, а во исто време не сакаат да останат во Грција и штом дојдат на грчко тло, бараат начин преку шверцерите да заминат кон некоја друга европска држава.

Според грчкиот министер, еден од најголемите предизвици за владата е интеграцијата на бегалците во општеството пред сè поради големите проблеми со невработеност во државата поради финансиската криза. Сепак, според Музалас, неопходно е владата да најде начин сите луѓе кои ќе останат во Грција да најдат некаков вид на работа и да станат дел од општеството.

Друг клучен проблем во моментов е справувањето со лошите временски услови. Илјадници бегалци живеат во камповите во кои има само тенки шатори и пластични контејнери без никакво греење, иако временските услови се особено сурови оваа зима во Грција. Музалас ветува дека до 15 јануари сите бегалци ќе бидат преместени во подобри услови, каде ќе имаат греење и подобра медицинска помош.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Петровска го доби Ковачки на суд и се откажа од 10.000 евра што требаше тој да ѝ ги плати за клевета

Основниот граѓански суд - Скопје утврдил граѓанска одговорност за клевета врз министерката Славјанка Петровска од Драган Ковачки од ВМРО-ДПМНЕ. Петровска на својот профил на Фејсбук ја објави пресудата. „Како што...