fbpx

ГРОМ утре во 18 часот на контрапротест во близина на Уставниот суд

-

Утре во 18 часот ГРОМ на Стевчо Јакимовски ќе одржи „собир за поддршка на институциите“. Протестот ќе се одржи пред објектите на Агенцијата за електронски комуникации и Обвинителството во близина на Уставниот суд, каде што во исто време ќе протестираат граѓанските организации и СДСМ против одлуката на судот да расправа за иницијативата за уставноста на Законот за помилување.

Јакимовски денеска на прес-конференција рече дека институциите не смеат да работат под притисок, особено не под политички, и дека секој мора да сноси одговорност за својата работа.

– Се почесто сме соочени со непринципиелни напади врз институциите. Нападите се политички мотивирани врз зависност од тоа дали и одговара на една политичка гарнитура или не, така одат и атаците према истите. Видовме дека високи партиски функционери изјавуваат дека не ги признаваат судовите, не го признаваат обвинителството и одат дотаму што не покажуваат почитување ниту за највисоките судски инстанци, вклучувајќи го Врховниот и Уставниот суд – рече Јакимовски.

Александар Трајановски, претседател на градската организација на ГРОМ денеска ги повика граѓаните на мирен протест и рече дека „нема посрамен чин од нападот на суверенитетот на една држава, особено ако доаѓа одвнатре“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...