Народна банка промовираше брошура за граѓаните, која е водич при земање станбен кредит. Главната цел е да се подигне свесноста на граѓаните што значи земање кредит и да им се објасни целиот процес при донесување одлука.
– Важно е граѓаните да знаат колкав износ на кредит можат да земаат, да знаат како да ги пресметаат вкупните трошоци, да одлучат дали да земаат денарски или девизен кредит, да ги знаат ризиците што тој ги носи, да ги споредат трошоците кај различни банки и да изберат соодветен рок на отплата – изјави гувернерот Димитар Богов.
Според Богов, и економски образованите граѓани тешко може да ги препознаат скриените трошоци на кредитите и потенцијалните ризици. Оттука произлегува и важноста за информираноста за ризиците од долгорочните задолжувања.
Брошурата е испечатена во 10.000 примероци и ќе биде дистрибуирана во сите ескпозитури на банките.
Овој водич е во рамките на проектот на Народна банка за финансиска едукација, а е финансиран од ЕФЈЕ ( Европски фонд за Југоисточна Европа – European Fund for Sothest Europe).