Околу 15.000 жители на дива населба во Манила останаа без покрив над глава во пожар кој избил во текот на ноќта, соопштија локалните власти.
Противпожарната служба соопшти дека пожарот, кој е изгасен, уништил 1.000 куќи во населбата Парола Кампаунд.
Седум лица се полесно повредени во пожарот.
Сместување, храна и вода се обезбедени за околу 3.000 семејства кои останале без дом.
Пожарот избил синоќа и бргу се проширил во населбата, а привремено го блокирал и сообраќајот.
