Српскиот тенисер Новак Ѓоковиќ влезе во историјата како единствен тенисер кој успеал да создаде предност поголема од 5.000 поени во однос на второрангираниот на АТП-листата, Рожер Федерер.
Ѓоковиќ вчера ја освои третата титула на третиот Мастер-турнир, совладувајќи го Бердих во финалето во Монте Карло. Ова за него беше четврта голема титула оваа сезона, по освоените на Отвореното првенство на Австралија и на турнирите во Индијан Велс и во Мајами.
Со турнирот во кнежевството тој освои 1.000 нови поени и сега има вкупно 13.485 поени на АТП. Со тоа тој има 5.460 поени повеќе од Федерер, кој има 8.385 поени.
Според официјалната веб-страница на професионалната тениска асоцијација, ова е најголема предност што ја имал еден тенисер во однос на кој било второпласиран играч во историјата на белиот спорт.
Најдобри 10 тенисери во овој момент:
1. Новак Ѓоковиќ – 13.845
2. Рожер Федерер – 8.385
3. Енди Мареј – 6.060
4. Рафаел Надал – 5.435
5. Кеи Нишикори – 5.280
6. Милош Раониќ – 5.070
7. Томаш Бердих – 4.960
8. Давид Ферер – 4.490
9. Марин Чилиќ – 3.495
10. Станислас Вавринка – 3.495