fbpx

Гневни демонстранти му го загорчија доаѓањето на Трамп во родниот Њујорк

-

Со свирежи, гневни скандирања „Не е мој претседател“ и со транспаренти „Исфрлете го Трамп“ (Dump Trump) и „Америка повторно да се замисли“, стотици демонстранти во Њујорк вчера се собраа на Вест Сајд во Менхетен, протестирајќи против претседателот на САД, Доналд Трамп. Тој дојде на неговата прва посета на неговиот роден град откако го почна мандатот.

Се слушаа многу свирежи, се удираше во дајриња и во тапани и се протестираше против речиси сите политики на Белата куќа, од имиграцијата до здравствената заштита. Демонстрантите сакаа да му упатат порака дека и покрај тоа што пораснал во Њујорк и неговото име го има на неколку згради, Доналд Трамп не е добредојден. Многумина го нарекуваа „нелегитимен претседател“.

– Како њујорчанка што цел живот живее тука, сметам дека е особено одвратно тоа што Трамп доаѓа од оваа средина и сепак во ништо не ги претставува њујорчаните. Њујорк е имигрантски град. Њујорк е голема печка за претопување, а политиките што тој ги застапува не ги претставуваат њујорчаните. Мислам оти треба да знае дека не го сакаме и повеќе не е добредојден тука – вели Лорин Ротман, 31-годишна гастрономска критичарка од Бруклин.

Стотици демонстранти се наредија долж булеварот Вест Сајд да ја исвиркаат поворката на претседателот. Конвојот возила помина бргу покрај демонстрантите околу 19 часот и се упати кон реката Хадсон, односно бродот „УСС Интрепид“, носач на авиони кој сега е музеј, каде Трамп требаше да одржи говор. Подоцна таму се сретна и со австралискиот премиер Малколм Турнбул.

Потоа демонстрантите собрани во неколку групи демонстрираа во близина на „Интрепид“, а некои од автомобилите што поминуваа трубеа во знак на поддршка. Една голем група протестираше кај „Трамп тауер“, зградата на Трамп во која е неговиот дом и центарот на неговата бизнис-империја.

Се разбира, имаше и контрадемонстранти. Мала група поддржувачи на Трамп беа собрани на булеварот Вест Сајд држејќи транспаренти „Фала му на Бога за Трамп“ и „Депортирање на илегалните имигранти“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.
ФИНКИ

ФИНКИ бара Владата да ги ослободи бараките на Техничкиот кампус, во спротивно најавува протести и штрајк

Најбројниот факултет во земјава – Факултетот за информатички науки и компјутерско инженерство (ФИНКИ) бара од Владата решение за просторниот проблем со кој се соочува институцијата. Со повеќе од 5.000...