fbpx

Георгиевски: Нема да се градат станови за бегалци во Гази Баба

-

Граѓаните може да се уверат дека лажните вести за наводни кампови или станови за мигранти, што ги шири ВМРО-ДПМНЕ, немаат врска со реалноста, изјави денеска Борче Георгиевски, претседател на општинската организација на СДСМ Гази Баба.

-Владата на Република Македонија, предводена од СДСМ не планира изградба на станбени единици за бегалци на територија на општината Гази Баба, затоа што Македонија е само транзитна земја за бегалците. Сакајќи да ја дефокусира јавноста за своите неуспеси во реализација на капиталните инвестиции и загубената поддршка од граѓаните, вчера и денеска ВМРО-ДПМНЕ ги организира членовите за собирање потписи против измислено населување мигранти. Лицемерието на ВМРО-ДПМНЕ се гледа од овој документ од 2011 година, кој покажува дека тоа е предложено и потпишано токму од владата предводена од ВМРО-ДПМНЕ – вели Георгиевски.

Според него, ВМРО-ДПМНЕ со лажни вести ја прикрива неспособноста на своите градоначалници и додаде дека на Гази Баба и треба комплетна гасификација, изградба на нови детски градинки, реконструкција и изградба на нови основни училишта како и изградба на фекална канализација во сите рурални населени места во општината.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Украинската одбрана соборила 84 руски воздушни цели

Ноќеска Русија изврши уште еден масовен воздушен напад врз украински објекти за гориво и енергија, соопшти украинската одбрана. Непријателот ја нападнал Украина со 60 беспилотни летала Шахед и 39 проектили...