fbpx

Галичица ги привлекува најголемиот број туристи што го посетуваат Охрид

-

Најголемиот број странски туристи што го посетуваат Охрид, наоѓаат време да се искачат на Галичица. Патеката која води до врвот сè уште е пристапна, како за почетници, така и за рекреативци и за професионални планинари.

– Нема кому не му се допаднала Галичица. На Галичица се добива едно поинакво чувство на слобода. Се добива впечаток дека Охридското Езеро ни е на дланка. Целиот тој пејзаж од една поинаква перспектива е навистина моќен. Секој ден од Галичица се гледа еден поинаков колорит. На туристите досега тоа им е една од омилените дестинации – вели познатата алпинистка и туристички водич, Илина Арсова.

На падините на Галичица, селата како Коњско, Елшани, остануваат на листата на омилени места за туристите, кои сакаат убавината која ја затекнале сега, да ја видат повторно кога ќе се вратат.

Меѓу омилените локации за туристите од странство е и локалитетот Св.Наум, но, за жал, таму комерцијализацијата веќе го зела својот данок. Еколошките организации предупредуваат дека тамошните објекти за комерцијални услуги ја загадуваат околината.

– Таму, за жал, отпадните води се пуштени во самите извори. Тоа беше навистина трагично, бидејќи сведочат и домашните посетители и туристите. Св. Наум може да биде навистина убаво место, само што премногу е урбанизирано, тие убави стари дрва се исечени, малку е без вкус и неплански уредено – додава Арсова.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...