fbpx

ФУЕН изгласа резолуција за правата на Македонците во Албанија

-

Федералната унија на европските националности (ФУЕН) на 62. Конгрес кој денеска завршува во романскиот град Клуј-Напока, едногласно, усвои посебна Резолуција за правата на етничките Македонци во Република Албанија,која ќе биде доставена до Владата на Република Албанија и до сите релевантни меѓународните институции.

– Го имаме задоволство да објавиме дека со Резолуција од седум точки се бара: Владата на Република Албанија да ја потпише и ратификува Европската повелба на Советот на Европа „за регионални и малцински јазици“. Да го признае македонското национално малцинство во Голо Брдо, Гора и на цела територија на Република Албанија. Државната телевизија (ТВШ) да емитува програма на македонски јазик. Настава на мајчин македонски јазик во државните училишта во областите Голо Брдо и Гора како и во цела територија на Република Албанија каде има значителен број на македонско национално малцинство. Во сите општини каде има повеќе од 20 проценти македонско национално малцинство, покрај албанскиот, официјален јазик да е и македонскиот. Владата да гарантира правото на користењето на мајчиниот јазик на македонското национално малцинство и да обезбеди финансиска поддршка од Министерството за култура за културни и образовани активности- изјави Никола Ѓургај.

Македонците од Албанија добија поддршка и за барањата, да се вратат укинатите три општини во Голо Брдо и Гора.

На Конгресот присуствуваат претставници на 50 асоцијации 300 делегати на повеќе од триесет малцинства од 30 земји во Европа, а го следеа педесетина новинарски екипи.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Украинската одбрана соборила 84 руски воздушни цели

Ноќеска Русија изврши уште еден масовен воздушен напад врз украински објекти за гориво и енергија, соопшти украинската одбрана. Непријателот ја нападнал Украина со 60 беспилотни летала Шахед и 39 проектили...