fbpx

ФФМ: Скопје ја доби честа да биде домаќин на Европскиот суперкуп во 2017 година

-

Фудбалската федерација на Македонија ја доби довербата од УЕФА за организација на ексклузивниот дуел меѓу победниците на Лигата на шампионите и Лигата на Европа за сезоната 2016/17 година, објави ФФМ.

Одлуката ја донесе извршниот комитет на Европската фудбалска унија на состанок во Прага, а на прес-конференција ја соопшти Џани Инфантино, генерален секретар на УЕФА.

Скопје во август 2017 година ќе биде домаќин на двете најдобри екипи на европска почва.

– Скопје е првиот град во регионот кој добива организација на вакво престижно фудбалско натпреварување, што претставува голема чест, но и голема одговорност. Суперкупот е настан кој ќе биде голем импулс и мотивација за развој на фудбалот во нашата земја и, секако, во регионот, а воедно и одлична можност Македонија да се промовира и да се афирмира пред светската јавност. Со добивањето доверба да бидеме домаќини на настанот кој го следат милиони луѓе во светот, нашата организација станува чувар на националниот идентитет и горди сме што УЕФА ја препозна нашата посветеност на фудбалот и подготвеноста да бидеме одлични организатори на големиот спортски настан –  изјави Илчо Ѓорѓиоски, претседател на Фудбалската федерација на Македонија.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...