„НАТО повторно воведува директна тајна телефонска линија со рускиот воен врв“, пишува денеска германскиот весник „Франкфуртер алгемајне цајтунг“ (ФАЦ), повикувајќи се на анонимен извор од Алијансата.
Како што пишува весникот, иницијативата за воспоставување директен контакт, во декември минатата година, ја покренал германскиот министер за надворешни работи, Франк Валтер Штајнмаер, поради зголемената тензија во светот, предизвикана од конфликтот во Украина.
Штајмаер, пишува ФАЦ, предложил да се воспостави директна врска помеѓу двете команди за да се спречи директен судир, во случај да дојде до уште поголема криза.
Станува збор за прв обид за директно поврзување на двата воeни врва, по завршувањето на Студената војна.
Тогашниот Советски сојуз и САД, по Кубанската нуклеарна криза, воспоставија директна телеграфска врска меѓу воените каманди на двете земји, позната како „црвен телефон“.
