Европската централна банка синоќа одби грчкиот надворешен долг да го замени со обврзници кои би се отплаќале во согласност со порастот на економијата. Брисел на овој начин го префрла товарот на Атина и ја тера Грчката централна банка да ги финансира банките, но и ја изолира додека не го спроведе новиот пакет реформи.
Грчката централна банка во следните недели мора да им обезбеди на своите банки дополнителни десеттина милијарди евра за ликвидност.
ЕЦБ соопшти дека овој потег „е во согласност со постојните правила на еврозоната, затоа што во моментот не може да се претпостави успешно заклучување на ревизија на програмата“, пишува британски „Телеграф“.
Одлуката на ЕЦБ следи неколку часа по средбата на грчкиот министер за финансии, Јанис Варуфакис, со претседателот на ЕЦБ, Марио Драги, во Франкфурт. Варуфакис по средбата изјави дека имале „продуктивен и охрабрувачки“ разговор со Драги.
– Имавме особено корисен разговор и одлична комуникација, која ми дава голема надеж во поглед на иднината – рече Варуфакис по состанокот со Драги.
