!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Европската комисија ќе ја почитува одлуката на Каталонија за независност, вели Јункер


       
Брисел, 15 септември, 2017 - 10:23 (META) 

Европската комисија ќе го почитува потврдниот исход од референдумот за независност на Каталонија, соопшти претседателот на Европската комисија, Жан-Клод Јункер, додавајќи дека регионот не треба да очекува по гласањето веднаш да стане членка на ЕУ.

– Комисијата не се вклучува во интерните, домашни дебати во земјите членки – истакна Јункер, додавајќи дека дискусијата за референдумот во Каталонија е хипотетичка затоа што Шпанија не го признава референдумот.

Јункер истакна дека Каталонија, доколку прогласи независност, ќе мора да ги следи истите процедури на Унија како и членките кои биле примени во 2004 година. Тој рече дека истите принципи би се применувале и во случај на независност на Шкотска.

Властите на Каталонија ветија одржување референдум на 1 октомври, додека шпанскиот премиер Маријано Рахој порача дека ќе го спречи одржувањето на референдумот по секоја цена.