!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Евакуиран аеродромот во Хамбург поради непозната супстанца


       
Хамбург, 12 февруари, 2017 - 15:04 (META) 

Аеродромот во Хамбург утрово бил затворен, а патниците и вработените евакуирани, откако педестина патници почувстувале силен мирис и почнале да се жалат на проблеми со дишењето, јавуваат светските агенции.

Патниците кои се пожалиле на проблеми со дишењето, според медиумите, немаат посериозни нарушувања на здравствената состојба. Засега нема официјални информации за што точно станува збор и која е причината за силниот мирис што предизвикал паника на аеродромот.

Дел од агенциите, повикувајќи се на информации од полицијата во Хамбург, јавуваат дека во просторот за проверка на безбедноста била пронајдена непозната супстанца која предизвикала иритација на очите кај дел од патниците и вработените на аеродромот.

Поради инцидентот, дел од летовите се откажани и префрлени на други аеродроми.