fbpx

„Еуромакс ресоурсис“: Користењето на референдумот да се оцрни рудникот е нечесно

-

Компанијата „Еуромакс ресоурсис“ концесионер на рудникот за бакар и злато на локалитетот Иловица, реагира на изјавите на претставниците на еколошките иницијативи кои велат дека неисполнетите ветувања за рудниците се причина за слабата излезност во Босилово и Ново село на референдумот.

„Во име на активности за заштита на човековата средина, одредени еколошки здруженија и активисти ги злоупотребуваат политичките случувања во државата со цел да наштетат на нашиот проект, во чиј дизајн и развој се внимава на највисоките меѓународни и домашни стандарди за заштита на животната средина. Како македонска компанија, која е поддржана од меѓународни акционери, ја почитуваме секоја домашна иницијатива и активност, кои без манипулација и извртување на фактите, е во функција на заштита и унапредување на човековата средина и здравје. Посветени сме на унапредување на животната средина преку развој на модерен рудник на можности, односно, рудник кој ќе го унапреди животниот стандард како на локалното население, така и на државата“, велат од „Еуромакс ресорсес“.

Од таму додаваат дека „користењето на резултатите за излезност на населението на референдумот за да го оцрните нашиот проект е нечесно и е во спротивност со сигналите кои ние ги добиваме од локалното население.“

„Како инвеститори веруваме дека Македонија има голем потенцијал за економски развој преку користење на најдобрите светски практики и модерни технологии за ископување на рудното богатство, и не сакаме да навлегуваме во истражување за причините поради кои граѓаните решиле да се откажат од сопственото право да излезат на референдумот. Жителите на Иловица и Штука, како и градоначалникот на Босилово десеттина дена пред одржување на референдумот изјавија дека развојот на проектот Иловица – Штука нема да влијае врз резултатите за излезноста на референдумот. Веруваме дека ниту една организација или институција нема потврда дека нивната постапка на референдумот е поврзана со нашиот проект. Особено што во нашата комуникација со граѓаните од општините Босилово и Ново Село, добиваме поддршка од населението за побрза реализација на проектот што треба да им донесе нови извори за егзистенција“, додаваат од „Еуромакс ресорсес“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.
ФИНКИ

ФИНКИ бара Владата да ги ослободи бараките на Техничкиот кампус, во спротивно најавува протести и штрајк

Најбројниот факултет во земјава – Факултетот за информатички науки и компјутерско инженерство (ФИНКИ) бара од Владата решение за просторниот проблем со кој се соочува институцијата. Со повеќе од 5.000...