This page was exported from Meta.mk [ http://meta.mk ]
Export date: Sun Dec 17 21:22:01 2017 / +0000 GMT

ЕУ отвора уште две поглавја во преговорите со Србија




Постојаните претставници на земјите членки на ЕУ на денешниот состанок донеле одлука на меѓувладината конференција со Србија да ги отворат поглавјето 6, кое се однесува на правата на претпријатијата, и поглавјето 30 за економските односи со странство.

Конференцијата е закажана за 11 декември, а официјален Белград се надеваше дека ќе отвори три поглавја, но одлуката на земјите членки зависеше од извештајот на Европската комисија за напредокот на Србија во најважните поглавја, 23 и 24.

Според извори од Брисел, Европската комисија оценила дека постои недоволен напредок во имплементацијата на Акциониот план за поглавјата 23 и 24, поради што земјите членки оцениле дека Србија не може да отвори повеќе од две поглавја во оваа рунда преговори.

Од Брисел се препорачува конкретен напредок во поглавјата 23 и 24, кои се однесуваат на владеењето на правото, кои се од суштинска важност за Србија да напредува во претпристапните преговори со Европската Унија. Паралелно со тоа, за да напредува во пристапниот процес, Србија мора да напредува и во дијалогот со Косово, кој треба да придонесе за целосна нормализација на односите меѓу Белград и Приштина.

Србија официјално ги почна преговорите за влез во ЕУ во јануари 2014 година.
Post date: 2017-12-06 14:48:42
Post date GMT: 2017-12-06 13:48:42
Post modified date: 2017-12-06 14:48:42
Post modified date GMT: 2017-12-06 13:48:42
Powered by [ Universal Post Manager ] plugin. HTML saving format developed by gVectors Team www.gVectors.com