!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Екстремистите планираат слични напади како од 11 септември, тврди Белата куќа


       
Лондон, 19 октомври, 2017 - 10:19 (META) 

Екстремистите планираат да изведат терористички напад, сличен на тој од 11 септември 2001 година, соопшти Елејн Дјук, вршител на должност министер за внатрешна безбедност на САД.

– Терористичката организација Исламска држава и други сакаат да извршат напади како тие од 11 септември. Како што покажуваат разузнавачките податоци, тие сакаат да соборат авион – рече Дјук во американската амбасада во Лондон.

Таа изјавила дека ИД во моментов е во преоден период, односно дека обезбедува финансии и се обидува да ја сочува бројноста, поради што спроведува помали планови.

Терористи од редовите на Ал каеда на 11 септември 2001 година киднапираа четири патнички авиони и извршија самоубиствени напади на Светскиот трговски центар во Њујорк, како и на Пентагон во Вашингтон. Четвртиот авион се урна во Шенксвил, Пенсилванија. Загинаа околу 3.000 лица.