Британски авион со 189 патници, кој летал од Лондон, во август годинава за малку одбегнал ракета во текот на слетувањето во Шарм ел Шеик, пишува „Дејли мејл“.
Инцидентот се случил на 23 август, два месеци пред падот на рускиот „ербас А321“ на Синајскиот Полуостров.
Екипажот на авионската компанија „Томсон“ бил принуден да преземе итни мерки во текот на слетувањата, откако ја забележале ракетата. Како што соопштува изворот на „Дејли мејл“, пилотот на авионот успеал да го промени курсот на летањето и да го сврти авионот налево.
Тогаш ракетата прелетала 300 метри од авионот.
За инцидентот знаеле само пет членови на екипажот, а подоцна им било соопштено дека ракетата ја лансирала египетската војска во текот на воените вежби.
Патниците не знаеле дека за влакно избегнале смрт, а членовите на екипажот не им соопштиле за да не предизвикаат паника. Одделот за транспорт ја потврдил информацијата за настанот.
Владата на Велика Британија на 5 ноември го суспендираше авиосообраќаот со египетски Шарм ел Шеик заради безбедност на патниците по падот на рускиот авион.
