fbpx

ЕБОР ќе ѝ даде кредит на Македонија за Коридор 8 и за патишта

-

Европската банка за обнова и развој и Македонија денеска потпишаа договор за кредит од 145 милиони евра, со кој ќе се финансира модернизирањето на железничката инфраструктура и зајакнувањето на регионалните транспортни врски на земјата.

Со кредитот кој му се дава на ЈП „Македонски железници“, се обезбедуваат средства за продолжување на втората фаза од изградбатра на источниот дел од паневропскиот коридор 8. Со овие средства, треба да се заврши делницата од 34 километри на железничкиот коридор, кој ќе овозможи поврзување на брегот на Црно Море во Бугарија со брегот на Јадранско Море во Албанија, но и со Турција. Целиот проект се проценува на 600 милиони евра.

– Изградбата на железничкиот коридор 8 има повеќекратна политичка и економска важност. Тоа е добра можност за воспоставување мост меѓу Западот и Истокот. Откако целосно ќе биде изградена железничката пруга, патувањето од Скопје за Истанбул, по копнен пат, ќе биде пократко за час и половина – рече министерот за финансии, Зоран Ставрески, додавајќи дека ова е голем проект за Македонија, кој ќе придонесе за изградба на одржлив економски пораст на прекуграничната трговија.

Истовремено, ЕБОР и македонската влада денеска потпишаа договор за кредит од 160 милиони долари, со кој ќе се се овозможи изградба на три експресни пата и на еден автопат.

Првата транша од 74 милиони, ќе се искористи за реконструкција на патот Штип – Кочани, како и за изградба на пат меѓу селата Раец и Дренови.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Фотографија од Макрон е креирана со вештачка интелигенција

Ако внимателно ја набљудувате фотографијата на Емануел Макрон, забележливо е дека е создадена од вештачка интелигенција. На пример, претседателот на Франција има неприродно долги прсти на десната рака, а...