!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Две девојчиња загинаа, четири лица се повредени при уривање куќа во Полска


       
Вроцлав, 8 април, 2017 - 15:17 (META) 

Две девојчиња ги загубиле животите, а четири станари добиле повреди кога утрово се урнала голема куќа во Југозападна Полска, близу градот Вроцлав. Причината била неисправна инсталација за гас, известуваат полските медиуми.

Експлозијата во местото Шведоџице била толку силна што објектот е речиси срамнет со земја.

Бројката на жртви е сè уште непозната, оти повеќе од 20 пожарникари ги пребаруваат урнатините. Сè уште не е позната судбината на 11 лица, за кои се смета дека се под урнатините.

Според „Газета Виборча“, во куќата живееле 18 луѓе.

Меѓу неповредените е едно дете, кое мајка му го испратила да купи леб. Но, кога се вратило и ја видело урнатината, паднало во шок.