!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Двајца членови на Владата се под истрага за корупција, соопшти Заев


       
Скопје, 1 ноември, 2017 - 15:24 (META) 

Двајца членови на актуелната Влада се под истрага за корупција, рече премиерот Зоран Заев во своето обраќање на Самитот „Македонија 2025“, што се одржува во Скопје.

Заев додаде дека истрагите се отворени по пријави од граѓаните, но истакна оти не може да соопшти повеќе детали.

– Активно се бориме против корупцијата и не случајно двајца членови на Владата веќе се под истрага… Тука се само два месеца и веќе се под истрага. Други детали не можам да кажам. Наш приоритет е во Македонија да не се појавуваат грешките од минатото, пред сè корупцијата. Законот мора да важи за сите. Само така ќе се овозможат нови инвестиции – рече Заев на панел-дискусијата во рамките на Самитот „Македонија 2025“.