!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Дваесет и четири загинати во експлозија на автомобил – бомба во Кабул


       
Кабул, 24 јули, 2017 - 10:22 (META) 

Во експлозија на бомба во шиитски кварт на Кабул, рано утринава загинаа 24 лица, додека 42 се повредени, соопшти авганистанското Министерство за внатрешни работи.

„Вкупно 24 лица загинаа и 42 се повредени во нападот кој утринава беше извршен во Кабул. Автомобил – бомба експлодира во близина на автобус кој превезувал припадници на министерството за рударство“, стои во соопштението.
Се претпоставува дека мета на нападот биле припадниците на хазарската заедницата во Авганистан и пратеникот Мухамед Мокакек, затоа што автомобилот експлодирал во близина на неговата куќа.

Хазарската заедница денеска ја обележува првата годишнина од нападот на демонстрантите во кој загинаа повеќе од 80 лица, а 300 беа повредени. Одговорноста за нападот ја презеде Исламска држава.