This page was exported from Meta.mk [ http://meta.mk ]
Export date: Sun Sep 23 18:21:14 2018 / +0000 GMT

Два тима победија на „Фин хакатонот“, ќе креираат веб-апликација и игри за буџетот




Два тима победија на „Фин хакатонот“ за креирање на веб-апликација, видео и мултимедијална игра за Граѓанскиот буџет, кој викендов се одвиваше во Министерството за финансии. Тие ќе го делат наградниот фонд од 1,5 милиони денари, а и двата тима ќе имаат можност да го развијат својот производ и да отворат сопствена фирма преку кој понатаму ќе го пласираат.

Тимот составен од Стефан Митевски, Ивана Ѓорѓиевска Стојановски и Георги Михаилов имаа најдобра видео и мултимедијална игра. Најдобра веб-апликација пак, понуди тимот составен од Елена Андреева, Теди Пејоски, Елена Јовчевска, Каја Стоилеска, Александар Трпески и Александар Бака Марковски.

Двата тима ќе работат на развој на финални производи со Министерството за финансии и Фондот за иновации и технолошки развој, кои наскоро ќе им станат достапни на граѓаните.

„Фин хакатонот“ е во организација на Министерството за финансии и Бирото за иновации и технолошки развој. Целта на предизвикот кој траеше 48 часа во Министерството за финансии е да се направат јавните финансии и буџетот подостапни за граѓаните преку идеи од самите граѓани.
Post date: 2018-07-09 09:36:07
Post date GMT: 2018-07-09 07:36:07
Post modified date: 2018-07-09 09:36:07
Post modified date GMT: 2018-07-09 07:36:07
Powered by [ Universal Post Manager ] plugin. HTML saving format developed by gVectors Team www.gVectors.com